من مكتبة بن نيف
( حصري ) لمنتديات الموازين
من قديم محمد عامر بن نيف

يا نفحة الريحان وش ذا القطيعة=ما ذي بعاداتـك ولا ذي طبايعك
أذكرك هتان السحاب وربيعه=ما أحلا ذعاذيعك وما أحلا مرابعك
قالوا لي إنك للطواري منيعه=حتى استبدن بك وقضن مضاجعك
جيتي سريعة وانصرفتي سريعة=بالدمعتين وحزنك اللي سرى معك
دخيل عينك والجبين ولميعه=خلي لحون الشوق تطرب مسامعك
ما ابي الفجيعة لعنبوها الفجيعة=يلوعني ضعفين وجدٍ يلاوعك
تضيق بي جرد القفـار الوسيعة=إليا هما قطر الندى من مدامعك
قدرك ومنزلـتـك بقلبي رفيعـة=وأعز ذكرك من معزة منابعك
خذتي بمضمـار المهار .. الطليعة=والله ليبـطي من عليها ينازعك
شفتك بديعة واختفيتي بديعة=وأصبح ذهولي بدعة من بدايعك
كانـه تـغـلي فالـتـغـلي طبيعة=باهـي دلالك يمنع اللي يمانعك
وكانـه جفـا .. ردي علي الوديعـة=قلـبٍ يقالبــه النـوى بين اصابعـك