إلى متى ؟ وأنا على خط الشمـال وفالشمـال=إليا متى ؟ والرجـل للطرقـه تعـن خيولهـا
إلى متى ؟ وليا متي ؟ وليا متى يابن الحلال ؟=إليا متى ! في كـل لحظـه مرتيـن أقولهـا
أقولها في خاطري وأطرح على نفسي سؤال ؟=وإجابتـه فالخزنـه اللـي قفلـت بقفولهـا
إجابته علم الليال اللـي ورى غيـب الليـال=يالله عسى خير الليـال يلـد شـر حمولهـا
الوقت حده حد موس وميلته جرف(ن) هيـال=عزي لشمطان اللحا اللي بـه تـزل رجولهـا
إن مال بي وقتي يارأسي مايميـل إلا العقـال=لكن أنا ماأميـل مـع نـاس تطـق طبولهـا
الله يقديني لـدرب الغانميـن مـن الرجـال=والله يجنبني دروب أهـل الـردى وفعولهـا
وعساى أجمل وأتجمل كـل ماجالـي مجـال=وعساى لامن قلـت قـول أقولهـا وأطولهـا
هقواتي قنوف السحاب وهامتي رؤس الجبال=والنفس أصبرها وميزان النفـوس عقولهـا
سنين وأنا أخيل لي من يمـه القبلـه خيـال=من مزنـة ماهـل ماهـا وأنتظـر همولهـا
لكن كانه حل خامس بعد رابـع حـول حـال=سندت ولا أنحيت في عرض البـلاد وطولهـا
والله يعينك يالجنوب ليا أمتلا صدر الشمـال=الله يعينك لا أمتـلا صـدر الشمـال تقولهـا