يالله ياللي فارضا خمس الاركان = والارض باسطها ومرسي جباله
ياخالقا عبده على قلب ولسان= ومصوره تصوير في كل حاله
تجعل لنا عندك من الذنب غفران= ياالواحدا الي كل عبده يساله
انت المعين ولحدا غيرك يعان = والعبد من دونك بليا كفاله
نركض به الدنيا ورى كل ميدان = والوقت لابده سريعا زواله
وين الرسول افضل بشر وين ماكان=وين الصحابه وين قوم الرساله
وين الرجال الي لهم سيف وحصان =وين الملوك وين قوم العداله
عاشو ولكن جالهم حيل ديان = ماكن واحدهم جراله جراله
قمت اتذكر تالي الليل ندمان= يوم اتذكر بالزمان ومجاله
دنين تحملنا على كل الاوثان =وبليس للانسان يشعب جماله
يالادمي فكر ترى الوقت تبيان = وحسب حسابه زين وقطع حباله
صل الفروض اللي على العبد برهان= حيث انها للعبد هي راس ماله
والصوم صوم وخل في قلبك ايمان =وفي حج بيته خل عندك عداله
لاتامن الدنيا على عيش الازمان = وتدله به الدنيا بجهل وجهاله
تراك طرقي فالزمن منت حيان = ولادايما ياكود رب الجلاله
لاجا نهارن فيه تجميع الاكوان =وكل على ماقال ضايق بحاله
احدن كتابه في يمينه وكسبان =واحدا كتابه ماسكه في شماله
كانك من اهل الخير منته بخسران= راضن عليك الله وسالي وداله
وكانك من اهل الشر منته بربحان= وسط الجحيم يم دار الضلاله
ماينفعك يالعبد ابن عم واخوان =ولاولد عمك وكثر الزماله
الا عملك اللي وزلك بميزان = ورحمة ولي البيت واللي لجاله
يالله تغفرلي ليا صرت غلطان = تغفر خطا عبدك بعد ماطراله
انت الكريم وباقي الناس خلان= عبدك رفع كفيه وانته الرضاله
تجعل لنا في جنة الخلد بيبان=في موقفا هوله يشيب عياله