لاشبًت النار والجمهور صفق وشاش=أسترسل الصاحب ووطى عباة الحيا
من شأن يضحك سنونٍ له وراها عراش=يجوز له بهتت الغائب وقول الريا
أنا بوجه الله الطمعات راحت بلاش=في شركة الراجحي والسيف و النوكيا
أدنى بعيد المدى وأبعد قريب يناش=إختل ميزان صرف الين والروبيا
والله ما ودًي افتح مع بعضهم نقاش=حشمه وتقدير للغالين يابو هيا
لا تاه جاهل بلاه تداس فوق الفراش=وان تاع عاقل لعانه ماتعلل عيا
أسمع بتحليل الاسهم ينفلون الخشاش=دائم بذيل القوائم مال فرقا النيا
يانعنبوها الرخامه والطمع والفلاش=تنزًل الرجل للظلمه وهو في الضيا
حق الطفيلي وكتمه لاتطفل طناش=يعيش ويموت كأنًه عندنا ما حيا