ليت قلبي عن دروب المشاهير تاب=يمدي الناس عني بطلوا يسالون
من سنة والعرب تسأل بليا حساب=همهم بس بأخبار الشعر يعرفون
اسالوني وقالوا ويش سر الغياب=ليه غبتي؟وغيرك بالشعر يحضرون
هيمن الصمت والدمعة ترد الجواب=لا بغيتوا جوابي ناظروا بالعيون
والعيون الحزينة ما عليها حجاب=تنفضح يوم فيها بالعمد ينظرون
ليتها ما تكن الدمع وقت العتاب=تخفي الدمع خوف أحبابها يزعلون
وما تنام الليالي كن فيها تراب=وان هدا الليل هلت مثل وبل المزون
مزنها مختلف مايشتبه بالسحاب=لا بروق ن تنير ولا رعد يسمعون
سيلها من نقاته عجل بالانسكاب=لا تضمه يدين ولا يجي له سكون
قبل كانت جريه بالنظر ما تهاب=لو تجرح قلوب اهل المحبة تمون
بس مدري بلاها هم ولا أغتراب=تنهمر كل ما شافت بشر يضحكون
كن مكتوب فيها يمنع الأقتراب=تكتسيها الدموع ويغتشيها الجنون