( أنا يوم شفت اصغيره )
انا يوم شفت اصغيره هلت العبرات
معاليـق قلبــي صفقــت له وتلعبله
تذكرت مع زين التواصيف عصرفات
زمان مضى يوم الغلآ يمنــا شبـله
لقيت العنى والهم والحزن والحسرات
ونا لاطرالي صاحبي دمعتي عجلــه
عيوني تحيابه وفي خاطري شرهات
وحي يبي لاماك ماينقطع وصـــله
وغصن الغلا من عقب فرقاه عرقه مات
ونا منه طول الهجر والبعد محتملــه
اعاين رضاه وخاطره وادمح الغلطات
وباب الرجــا من يمهــم مــغلق قفلـه
عليه اتوجد والحق ألعبره الونات
وحي تولع فيــه يايمــوت يايهبلــه
علامك تجازي من يداريك بالصدات
وتقطع مواصيل الغلا عنه بالجمــله
اخذنا مع الغالي بدرب الهوا سجات
وراحو ونفسي من غثا الوقت مندبله
زماني تغير وخلف الظن والـهقوات
وحظ العنى من دونهم بركت زمله
الشاعر / غنيم ناصر الفراعنه