عرض مشاركة واحدة
غير متواجد حالياً
 رقم المشاركة : ( 1 )
إداري سابق قدير
رقم العضوية : 176
تاريخ التسجيل : 02 07 2007
الدولة :
العمر :
الجنس :
مكان الإقامة : السعودية
عدد المشاركات : 3,880 [+]
آخر تواجد : 20 - 04 - 12 [+]
عدد النقاط : 20
قوة الترشيح : سالم رباح is on a distinguished road
الأوسمـة
بيانات الإتصال
آخر المواضيع

التوقيت
افتراضي يقض الضلع ويقض النفودي ( الشاعر الفذ سوار الذهب وسلطان الهاجري )

كُتب : [ 13 - 02 - 11 - 05:35 PM ]

المحاورة متعلقة بمحاورة سابقة كانت بين الداب الأسود والهاجري وناقشت ماورد في تلك المحاورة .



سوار الذهب :

خيالٍ يشرب الضميان من ماه = يقض الضلع ويقض النفودي
ياطيب الهاجري عيا يقول آه = يعود الحال والا مايعودي



الهاجري :

خيالٍ لاح برقه مارجيناه = يلوح البرق وتحن الرعودي
ياطيب الهاجري سلطان طيباه = ليا باحت سدود أهل السدودي


سوار الذهب :

ماباك تصير بين العود والحاه = وأبا أشهد لك بحق انك سعودي
طبختوا راس سمحه في لبن شاه = وحنا مانحط البيض سودي



الهاجري :

أبو حنا صبغ كفه بحناه = عسى ليل القراده مايعودي
أبو غازي كتابه جوف مخباه = ينادي للمسيحي واليهودي



سوار الذهب :

ترى من ياخذ اللقمه بيسراه = ماهو مني ولاهو من جدودي
أخوك يعرف مسراحه ومضواه = لو أنه زاد ينقص مايزودي



الهاجري :

كسبنا المركز الاول كسبناه = وليلك ليل يالذيب الشرودي
حلال القوم ماخوذه ومعطاه = تجارة بامجلي والعمودي



سوار الذهب :

أثرك اللي عيونه نص علباه = عسى الله يسلمه عين الحسودي
أنا ماأعنيك والدنيا معاناه = بعضكم لاقلوب ولاكيودي



الهاجري :

حليلك ياأبيض الشارب حليلاه = تهندس فالبنادق والفرودي
تذكرنا كلامٍ مانسيناه = تهز الضلع وتهز الحيودي



سوار الذهب :

دخيلك قولها للي تحلواه = كبن المرضعه غير الولودي
عسى ماطاه يخبر عن مطاياه = على حدك وأنا ماسك حدودي



الهاجري :

وجيهٍ بيض وبشوتٍ مطوّاه = نواعدكم ونحضر فالوعودي
غشيمٍ صاد له صيد وتشوّاه = عسى ليل الغشامه مايعودي

التوقيع

ابن ميزان
رد مع اقتباس