محاوره بين سوار الذهب عبدالله الميزاني ومصلح بن عياد
ابن عياد
مرحبـا فـي حلـة الشـدادي الله لايهيـنـه @@@@ من بني الحارث صلاب الروس خطلان الايادي
المطيـري لايحيلـون العـرب بينـي وبينـه @@@@ عنده جيوش وعتاد وعنـدي جيـوش وعتـادي
سوار الذهب
البقا بك وانت منته سور مكه والمدينـه @@@@ بس فيكم خير والحرث منزحة الاعادي
من هو اللي من بعد ياخذ كتابه في يمينه @@@@ ايتلفت في بلاد الناس والا في بـلادي
ابن عياد
ليه يوم انك تصير اكبر بطل واكبر رهينـه @@@@بين سيل وبين ليل وراس ضلع وجال وادي
كن في عينك سراب وكن في صدرك مكينه @@@@من مقابيس الشرار الي تناقلهـا الايـادي
سوار الذهب
الله اكبر وش يهم الصابريـن مـن الغبينـه @@@@ بعضنا من بعضنا لو وضعنا ماهـو بعـادي
لي صحيبن يوم اشوفه كن عين الذيب عينه @@@@ له ضلوع وله فزوع ن كثر عمدان الجرادي
ابن عياد
يعرف اللي في يسار الدرب واللي في يمينه @@@@ لاعليه بالحرام اني ما اجنب عـن مـرادي
امش فالدرب الصحيح وخذ زياره للمدينـه @@@@ واخذ في مكه ثمان ليال واخضع للجهـادي
سوار الذهب
الوجيه الضاحكـه مستبشـره والا حزينـه @@@@ وانت مايقطعك من نقل الصميل الا البرادي
حسب مااسمع عنك عند البدو منت ثقيل طينه @@@@ وانت يالمفتا قريب اعطيك من شربي وزادي
ابن عياد
وين عبدالله عن الميزان والميزان وينـه @@@@ اصقه(ن) ماعاد يسمع لاصياح ولا منادي
زادكم ماهو بحلو ولا تغشاكـم سكينـه @@@@ تشربون من الحليب وتاكلون من التوادي
سوار الذهب
انت ابن عياد من انته لايقين ولا جهينـه @@@@ عدها لو الجواد المنعثر ماهـو جـوادي
قالوا العريف مظهار الفتى قـدام حينـه @@@@ وانت لو يعرفك ابن حثلين يجهلك المهادي
ابن عياد
انت رجال متعلم مار في صـدرك ضغينـه @@@@ يوم تومي بك حدور ويوم تومي بك سنـادي
ماسبحت مع البحـور ولا تعليـت السفينـه @@@@ وان نشدنا عنك قالوا من حصا الحره وغادي
سوار الذهب
يالله ارحم والدي ويالله ارحم والدينـه @@@@ البسيطه كلها ريش ومخاليب وثنـادي
صاير البحار عيا يتفق دينـي ودينـه @@@@ بس انا رجال اصيد الا عليقه ماتصادي
ابن عياد
الحسايف يوم قدمتـك علـى راعـي الدفينـه @@@@ وانت وجه(ن ) لاش نار ولا شرار ولا زنادي
ان صدق حلمي لسان الرجل زايد عن يدينـه @@@@ ليت حمران النواظر طيـروه مـع الحنـادي
سوار الذهب
انت وش دخلك مابيـن الثلاثـه والثنينـه @@@@ حارثين منقسم نصك فحم نصك رمـادي
مابقي من لمة الجهـال غيـر مصدقينـه @@@@ والا انا رجال يحكي لي لساني عن فوادي
ابن عياد
هيه يالخباز ياللـي ماتعـرف الا العجينـه @@@@ ملتوي وجهك تقول انك عن الدرب متحادي
ماطلبنا منـك نقـد ولاطلبنـا منـك دينـه @@@@ البطولـه للهلال وللنصـر والاتـحـادي
سوار الذهب
اثر بعض الناس مكتوب الخطيه في جبينه @@@@ يمكن انه من عرب بين ام رابع وام حادي
لاتقلطنا ليـا جينـا علـى غيـر السمينـه @@@@ وانت هذا الوقت ماينقصك غير انتل ورادي