السلام عليكم ورحمته وبركاته
قصيده على لسان الطفله ( ود المطيري) بمناسبة عودة خادم الحرمين سالماً
لأبنائه و وطنه الغالي وتعرض حالياً على قناة بروز..
سآئلاً المولى أن يرزق الطفله عوناً في علاجها..
من الكفيفه ودْ نمر المطيري=لْخادم البيتين نسل الكرامه
لاباس ياسيف البلاد الشطيري=للضيم ضد وللعدل تاج هامه
لك البلد فاحت وروده عبيري=المملكه تلبس وشاح الزعامه
ياخادم البيتين يابو الفقيري=بالطيب لحّفت الكرم بالشهامه
الشعب كله سُر يومك بخيري=وانا احمد الوهاب جيت بسلامه
المملكه تضماك مالك نظيري=روضه تعلّق روحها في غمامه
الحال لا تسأل عن الحال غيري=إبخير لكن في عيوني عتامه
بنتك ضريره بالقدر والمصيري=قلبي شِكَر وآليه حزة قِيامه
اللي تمنيته لِقلب ٍ كسيري=شوفتك غايه للضرير ومرامه
بالعروة الوثقى يقود المسيري=بالحق ميزان العدل في إبهامه
ماغمضت عينه ودايم سهيري=يسهر وشعبه مهتني في منامه
فرحة كفيفه ريّها في ضميري=وغيم المحبه في سماها علامه
هذي مراسيل الفرح والضريري=من قلب بانت غايته في كلامه
وعلى رسول الرب صلوا كثيري=شفيع خلق الله فْيوم القيامه