سالم بن رباح بيض لله وجهك لسبب واحد وهو ان السالفه صحيحه ميه بالميه ولا فيها شك
وانا سمعتها من شيابنا والله على مااقول شهيد وسالفتها صحيحه 100%100
وقالها احد فرسان حرب لحرب لهروبهم من المعركه وتشتتهم
والشياب مايكذبون ولايجاملون وسوالفهم حافظها حفظ
هذولي سلمك الله العيابين من مطير ينطحون اللي ماينطح شجعان لهم اماره لحالهم اميرهم بن قرناس
وكانت غزوات ومعارك بينهم وبين قبيلة حرب واميرهم الذويبي وتلفظ فارس حربي على حرب بقوله غديتم ياحرب زغولة مره بعد ان شتتهم بن قرناس
واراد ان ينتقم الذويبي من بن قرناس وجمعتهم معارك كثيره اغلبها انتصار بن قرناس على الذويبي
ونادرا ماينتصر الذويبي
فقال احد شعار حرب قصيده مرسله الى بن قرناس
يراكب اللي يشاد الذيب سرحاني
وليا مشت كن الأدمي توزيها
كزه الا بيت ابن قرناس سدحاني
كبنه ادنى مطير اللي يواليها
حد اللويصق ليا هاللحين طرباني
بكم يامطير ماغدت سواطيها
ومادام حين لكم هندي وفيحاني
عيونكم ماتنام وسهرها فيها
من غير علوش دوك فلان والثاني
والنار ماتاكل الا من يواليها
فرد عليه شاعر مطيري عيباني
من عقب جانا الذويبي فوق هجاني
يبي الطمايع وروح معذرن فيها
ردوه ربعي وتحته حيلن سماني
عاف الذهب والعبيد اللي يشريها
نعمن بهندي عقاب وفرخ عقباني
مير أن حنا حرارن من مجانيها
والله يالولا السعود ودين الاخواني
يابضاعتن جتنا ماعاد نديها