الحمدلله رب العالمين
والصلاة والسلام على الرحمه المهداه للعالمين واله الصحب الكرام ....
ابيات اتمنى ان ترتقي لذائقتكم
بعد ماهزني صوتن سمعته
طريق النوم خالفني مساره
تكدر خاطري والوقت عفته
وتساوى الحلو عندي والمراره
نفذ صبري ودمعي كم ذرفته
وهذا العلم جبت لك اختصاره
انا خلي ليا مني طلبته
جوابه دايم لي باعتذاره
تبدل وضعي وحبري سكبته
وضاق الكون في عيني مداره
شعوري ياحبيبي لو وصفته
يفوق الوصف في نهج العباره
يهون العمر لو انك سلبته
فداك ولاعلى مثلك خساره
لو ان الحب في قلبي وزنته
يفوق عن الذهب تاره وتاره
مكانك فالحنايا ماقربته
ملكت الصدر مع واسع دياره
شعوري بالقصايد ماحبسته
دخيلك غايتي بس الزياره