( دانــــــة قصـــــــــــيد )
دانة قصيد وكاتب الشعريثمل=يسكربليا كاس وبدون مشروب
يتوه بأحساسه وفيه يتأمل=يعيش في جو"ن"عن الناس محجوب
مرهف مشاعروان نوى شي صمل=مايعسره شي على الكودمكتوب
يشرب مشاريب الثماله وتكمل=خمره بليا كاس ويذوب ويذوب
يكتب مشاعرخافقه ويتحمل=في جلستة يلف بلدان ويجوب
يسكرعلى خط القلم ويتزمل=يرسم على بيض الورق كل مطلوب
يمشي وهو جالس ويجلس مكمل=مايعسره حلم على شوفه يتوب
بس الكتابه له حيات وتحمل=زاده من القرطاس والحبرمصبوب
يكتب ويكتب وأن كتب ماتجمل=يطلب أحاسيسه وتعطيه بأسلوب
شاعر وللشاعرمشاعر_تأمل=متلبس عذب الحكي لبسة الثوب
يتجرع أمراره ويرواه حرمل=كاس"ن"به الحرمان والشوق مسكوب
مايتعبه يكتب ويكتب ولا مل=ولااا فالكتابه ياعرب أي عذروب
كتابته تشرح همومه وتشمل=وضع"ن"يشوف أنه من الضيم مقلوب
يبكي ويضحك وبحياته تزهمل=مواجع"ن"تبرآه والراس معصوب
وفي نومته يجزي الفكرويتململ=يسرح وقدامه ميادين ودروب
تجزي عيونه والأحاسيس تعمل=ذي مهنته مدام بالشعرموهوب
وسلامتكم
دانــــــــة القصـــــــيد