بسم الله الرحمن الرحيم

العقل يغنيك عن كثر الكلام= ويجعل قليبك لمن حبك نقي
ومن رضا المقسوم يابنت الحشام=يقتنع من دون عذرٍ منطقي
وكان ودك تعرفي معنى الغرام= السعيدة ماتحب الا التقي
حيث يبقى نور في وقت الظلام=طيبٍ المبدا عفيف المنطقي
الكرم طبعه ومن طبع الكرام= ماتّعدد كم راح وش بقي
ذمته ماباعها وقت الخصام=غاليه عنده عليها يشفقي
عادلٍ واثق كما السيف الحسام=يوم بعض الناس مذموم وشقي
ومن تراقب ذمته محي الانام=تلك والله التقدم والرقي
اترك العذال واصحاب الملام=ومييزي بين الامور وفّرقي
وافقي والراي لاصحاب المقام=واستخير الله قبل توافقي