منتديات الموازين الرسميه - عرض مشاركة واحدة

غير متواجد حالياً

توك صغيره وابتديتي تحبين !!!
من علمك ليل السهر يا صغيره ؟؟؟
بدري عليك العشق يابنت ها أللحين
حرام هذا القلب وشهوة مصيره ؟
أنتي بريئة في الهوا ليه تشقين ؟
دروبه طوال عليك وعسيرة
رحتي بدرب ماله أصلا عناوين
وأنتي مشاويرك من أول قصيرة
يا طفلة حبت وراحت على وين ؟
عقب إلهنا ذقتي الحياة المريرة
وينك و وين الحب والشوق والبين ؟؟
عنيتي عيونك وصرتي سهيره
امحق تسلي كان ودك تسلين
الورد لولا اللون وشهوة عبيره؟
خليتي دروسك وصرتي تحاتين
الدرس في ديره وصرتي بديره
وصرتي بعد من غير هذا تغارين
والمشكلة يابنت منتي خبيرة
نصيحتي لك كان ودك تردين
يم السعادة والحياة المثيرة
خللك بجو العائلة لاتعدين
ماما وبابا والعجوز الظريره
شيبانك اللي مايبونك تعانين
من بينهم عشتي كأنك أميرة
الحب قبلك هز ناس كثيرين
وخلا القلوب تعيش هم وحيره
الحب يفضح لانكشف داخل العين
وأنتي بنفسك ماهقيتك بصيرة
طيعي كلامي واحذري لا تمادين
تراجعي لا عل في الأمر خيره
عيشي الطفولة والبراءة لك سنين
وبعدين حبي لا غديتي كبيره .... من بريدي