يا الله ياللي تدحر الليل بالنور
يامخرج الاحياء من بطن الاموات
يامنزل الاعراف.. والفتح.. والطور
ياواحد(ن) من فوق سبع السماوات
اعوذ بكـ من قسوة الظلم والجور
ومصافحة يدي.. لقبح الملذات
ومن كلمة(ن) ينطق لساني بها زور
وصكات بقعا.. في زمان التفاهات
الوقت فيه الآدمي دوم ماسور
مابين بكي وضحكـ ..وحزن ومسرات
وانا من الايام ياهيه مسرور
اخذت منها.. حلوَها والمرارات
بالامس حاير بين منهي ومامور
ابغى اجمعني.. واحصلني اشتات
كم قلت للاحزان تكفين بالدور؟
وكم ردت الاحزان..هيهات هيهات؟
واليوم لله الفضل صرت دكتور
اعالج اوجاعي بنفسي.. لياجات
واصبحت شاعر كله احساس وشعور
يطرب له المتذوق.. فكل الاوقات
البال رايق والهواجيس طابور
اتأمل الواقع.. واكسّر حسابات
تدري متى في الوقت انا اعيش مقهور؟
لا شلت هم الشي.. وعدا سهالات
وتدري متى في الحب انا اصيرمكسور؟
لا شفت خلي يشتكي البعد ..بسكات
وتدري متى للذات انا اصير منكور؟
لا صرت بين الناس منكور.. بالذات
م/ن