اقتباس:
المشاركة الأصلية كتبت بواسطة عبدالرحمن بن غلاب الميزاني
ياوقت يالي صار واضح تغيرك = عز الله انك لي كشفت الحقايق
علمتني ياوقت لادار دايـــــــرك = وكشفت لي عدة امور وعوايق
وانا الذي كنت احسب اني مسيرك = واثرك ياوقت القشر مانت رايق
لك انتفاضه وانسكاب لمحابرك = وفي ساعة الشده تولع حرايق
ووقت الرخا تعطي وحنا نخيرك = ونجيب مطلوبك بشتى الطرايق
وفي ظرف ساعه كيف دارت دوايرك = وخليت الاقصى للموالي يوايق
واليوم انا ياوقت ماني بعــــــــاذرك = واشكي عليك من الخلايق خلايق
ناس(ن) تطبل لك من ايمنك وايسرك = وتقول لايق لو ماهو بلايق
وناس(ن) تحط الطيبه باسفل الدرك = وتحط بالقمه ضعوف وعلايق
وهذي عبر للي بعينه يناظرك = الا الذي ماهو من النوم فايق
وانا انبذ الهفوات واحارب الشرك = مانيب لاخايف ولانيب بايق
|
صح لسانك الف الا مليون أخوي عبدالرحمن بن غلاب
قصيدة لا يكفيها قول جزله
صح لسانك مدد بلا عدد
أشكرك على هذه القصيدة إعجبتني كثيراً