الموضوع: السويه
عرض مشاركة واحدة
غير متواجد حالياً
 رقم المشاركة : ( 1 )
جديد
رقم العضوية : 202
تاريخ التسجيل : 08 07 2007
الدولة :
العمر :
الجنس :
مكان الإقامة :
عدد المشاركات : 14 [+]
آخر تواجد : 13 - 07 - 08 [+]
عدد النقاط : 10
قوة الترشيح : meedo_132 is on a distinguished road
الأوسمـة
بيانات الإتصال
آخر المواضيع

التوقيت
افتراضي السويه

كُتب : [ 11 - 07 - 07 - 12:44 PM ]

اللي تبخصني وتنشد عن الحال
وشفقن علي بالحيل مشقيك حالي
وانته صديق وفيك نخوه ورجال
هاسمع جوابي يوم جبت المجالي
لو ماجرالي جاريلك بتفصال
بالقد والتفصيل دق وجلالي
ما أسأل سؤالن فات عنه الزمن طال
فاتت علي الطيبه ليه أسالي
إلا في حال امرين لوالله أسال
ومحضرن نفسي لطول الجدالي
اما عديم ابصار وبحض من قال
وإلا يقول فلان وفلان قالي
واليا انهن عمين عريضات وطوال
من يحصي العمي الاعراض الطوالي
وإلا في قلبي غل حاقد وحيال
وابا اتشمت فيك بلسان حالي
ولون لا هاذي ولا ذيك فالبال
جيتك في هاك الوقت هذا العدالي
اما تعليتبك في رؤس الاقذال
وإلا دفنتك تحت رملن هيالي
والله ماتلقى غير ماقلت مجدال
اللي بيسئل مير ماله ومالي
هاذي سوات من عليه الدهر مال
ان كان ماجربت ميل الليالي
والا انت لو جربت ياطيب الفال
ماجاء سؤالك غايته عن ريالي
كا اهتمامك كم في جيبي ريال
فزعتك لي احرجتني في حلالي
واهم من هذا مادام انت خيال
ورجلان تنوع الطيب حامي توالي
بابن لك الله سايقن فيه معدال
واعم غيه مطير وبصوت عالي
ماذمهم ربعي عطيبين الافعال
معدال حق بين غالي وغالي
واللي في قلبه شك لو ربع مثقال
يقطع خيوط الشك والاحتمالي
له وعليه كفال ومرابط سبال
ونارد على الحاض القراح الزلالي
ولي وعلي وجعلها طلقت عقال
تشريف للمجلس وصفر الدلالي
ربي ياابوي تجيب للموقف عيال
الله يجيب مشولقين العيالي
ماهو بمزح ولاتفاخر بالامثال
ولاهو تبني صورتن من خيالي
هذا الصحيح ويبحل الطيب ابحال
وتذوب منه صخور صم الجبالي
واشيله بين الغواليق مهتال
اجي لبيت العز والقاه خالي
يامنزل ايات المعارج والانفال
على رسولك ياعزيز الجلالي
انك تجنبني طواريق الانذال
ضعاف النفوس مخايلين الخيالي
مقودن تباع لباست الشال
ولاهمهم حال الرفيق الموالي
في الناس رجالن وفي الناس تمثال
وبين الثنين متابعين الظلالي
والله اني عارفن كل الاشكال
والكامل الله مدعي بالكمالي
حدتني الدنيا على حايف الجال
ومن التجارب يفقهون الرجالي


التعديل الأخير تم بواسطة meedo_132 ; 11 - 07 - 07 الساعة 12:50 PM سبب آخر: خطا مطبعي