بسم الله الرحمن الرحيم
محاورة جرت بين الشاعر
محمد الدليقاني و
شويهنة الهيلا
محمد الدليقاني :
عزالله اني شلعت الفرت ياناصر
شلع الطيور الحرار من مواكرها
مايتكي الحر لصيدات ويناظر
لابلله الا يدهمها ويصخرها
شويهينه:
بعض الرجاجيل لو اونه بغى قاصر
لو يفتل اشنابها وعينه يحمرها
الناس تلعب على شرواك ياشاطر
وبنت العتيبي ترى ماأنته بقادرها
ماكل من راح يرجع كل ماسافر
بعض المشاوير مايسلم مخاطرها
وفي جنة الخلد مايحلم بها الكافر
يصبر على النار واهجها وساعرها
محمد الدليقاني :
والله يالولا المكان وكم من شاعر
اني لسمر على اللوحة مسامرها
((تدري وش الييحز ويكسر الخاطر
لاجات غلطة وليفاً ما يبررها))
شويهينه:
والله يالولا الحياء في كسرة الناظر
اني لجيب الحقايق من مصادرها
عيب الرغايالبعير اللي قبل هادر
ماهمني تايه العالم وغادرها
محمد الدليقاني:
يالربـع ابسهر عشان الي معي ساهر
وادلـه النـفس ليـن الـلـه يسرها
انـكـان لــهحـاجـةً يطلب و انــا حــاضـر
والله لدور لـه الحاجـه واحـضـرها
شويهنيه:
ياناصرالعلم يمك والخبر عابر
اخبار تسهل ليا عرفت مصدرها
مايطرح الصيد ناس ن حظهم عاثر
اللي على الدون ظاريتن مشابرها