بسم الله الرحمن الرحيم
السلام عليكم ورحمة الله وبركاته
اقدم لكم قصيدتي المتواضعه بالأمير فيصل بن خالد بن عبدالعزيز آل سعود أمير منطقة عسير وذلك على مايقدم من دعم مادي ومعنوي للشعر والشعراء
بديت باسم الله على كل الأحوال=ربي ورب الخلق جلا جلاله
سبحانه اللي نعبده جهر واذلال=الواحد المعبود وحده لحاله
من بعد ذكر الله زانتلي امثال=مادامني شاعر واجيد الجزاله
سحابتن مدت من المزن وخيال=لين المزن قام يترازم خياله
مدت على كل البديدات بضلال=تبرق وترعد والسعد في قباله
سيليتن صبت من الجال للجال= لين ارتوت فيها فيافي امحاله
من كل ضلعن انطلق صب شلال=وسالتبه الوديان والخير فاله
سلام يانسل النشاما والابطال=ذخر السعود اللي تعشق الجماله
سلام يالفيصل معه كيف فنجال=فنجال بنن رمز جود ورجاله
سلام ياللي نايلن خير منوال=نال الفخر والطيب دايم يناله
ياسيدي طاريك دايم على البال=ياكاسبن قولة نعم في كل حاله
يافيصل الخالد ترا يمك القال=يامير ياراع الكرم والشكاله
انته وريث المجد والعز من آل=آل السعود مكنسلين الجهاله
جدك حكم بالفعل ماهو بالاقوال=يومه يطش الروس قو وصماله
يالله عسا معزي تكافيه الاهوال=ترفعه فالجنه وتحسن نزاله
وابوك خالد جعله بخير منزال=في جنة الفردوس يالله مئاله
واليوم عبدالله عسا سنينه طوال=الحاكم اللي حاكمن بالعداله
اللي نحبه حب مخلص مع اجلال=يومن شعبه ماتمنى بداله
وان عودت للدار نفداه بالحال=نسقم عدون انغوا يوم جاله
حنا سهوم الموت لكل من عال=نعدم عدون قبل ياصل مناله
وختام ياربي عليك التوسال=انك تحفظ الدار ياذا الجلاله
وسلااااامتكم