انا مطيري عبدلي ساس وسلوم=ميزان ساسي والفصيل القحومه
منا الولى لملوكنا دايم الدوم=دام السماء فالارض تستطع انجومه
ذكرى عزيزه للوطن حلت اليوم=ذكرى التوحد من شتات وخصومه
جمع شتات المملكه منقذ القوم=اول بشاير لرياض بقدومه
حر تنهض للبطولات زيزوم=عبدالعزيز الصيرمي في عزومه
صالح ومصلح بدل الجهل بعلوم=والشرع ثابت في سجل الحكومه
هذاك ابو تركي شهر واعتلا الحوم=وصفاء سماها عقب ماهي بحومه
وحد شتاتاً كان من للامن محروم=والجهل ولا مابقى الا رسومه
مرحوم يامن وحد الشمل مرحوم=والي تذكر سيرته من يلومه
وخير السلف عقبه صناديد وقروم=كلً على التوحيد عصب كمومه
في سيرته يمشون قوماً بعد قوم=عياله الي سلمهم من سلومه
ريف الضعيف الي من الدهر مهموم=ان جارت الدنيا وزادت همومه
ومن جنب المله على الخشم ملطوم=اليا انحرف فكره وشانت علومه
ويادارنا بحماك محداً مضيوم=ياديرتن بين الديار محشومه
من حشمة الي من خطاياه معصوم=ومحطم الاصنام في وسط قومه
الي نشر بالحق دينه وراء الروم=وللشرك وللحاد وجه اسهومه
وصلاة ربي عد ماهل ديدوم=ازكى صلاتن للنبي امختومه