سقا الله منازل من خذ القلب واتعبني=سقاه المطر من ناشي الوسم عصريه
منازل وليف بالتغلي معذبني=تغلا وهو غالي ولافيه ماويه
بليا سبب لآجيت يمه يعاتبني=ويفرض علي شروط واحكام عرفيه
سحرني بحلو الصوت يومه يخاطبني=قتلني برمش العين واشفاه ورديه
وله نظرة تجرح فوادي وترهبني=إرهاب أبن لادن للشعوب المريكيه
وله ضحكة تحيي فوادي وتطربني=سوات المطر يحي الديار السناويه
بحبه غزال البر ياسنيد صايبني= تجدد جروحه في صميم الحشاء حيه
غرامه وحبه صار ياسنيد شاربني=جرى في عروق الدم ميه على ميه
وله بيت من لؤلؤ وعقد الذهب مبني=بوسط الظمير ودونه أقفال سريه
لياغاب طيفه في حلا النوم يندبني=وأنامستحيل أنساه ياسنيد موليه
أنامن فراقه من غبن واكثر غبني=وحالي بعد فرقاه ياسنيد مبريه
وأشوف السهر والهم ياسنيد صاحبني=تجمع علي اهموم واحلام وهميه
هموم تسندبي وهم يغربني=عسى الله يعينك يالعيون الشقاويه