ولا زالت القصائد تتوالى على السعيد من جميع شعراء مطير وهاهو الشاعر الكبير خالد المريخي يمطره بنيران شعره فيقول:
الغادي الله لايصح لسانه =على الكلام الزين مالله عانه
عوايده دايم يثير الفتنه = وليا تكلم مايصون لسانه
والله يالو ماني خايف ربي=لاعلم الناقص سبب نقصانه
حـمـارة الصيهد تبي تسنعنا=وشلون تسترنا وهي عريانه
وشلون قولولي يسنع ديره = لاصارماسنع نسب جدانه
لو البلد هذا صحيح يهمه =ماكان شمت بالبلد عدوانه
اللي على داره يدور زله = لو يستفيد من الخيانه خانه
حنا بلدنا فيه عيب واحد = من كثرة النعمه طغوا شويانه
بس الوكاد ان دارنا مبروكه = والله عليها منعم بامانه
من فضل ربي عايشين بنعمه =بالخير دايم دارنا عمرانه
الحكم شورى من صباح الاول=واخوان مريم محتمين راكانه
من طيبهم كل ماحكمنا منهم =نصير اهله وعزوته واخوانه
اولهم الله يرحمه واخرهم = ابو مبارك كايد نسيانه
جابر على اسمه للخواطر جابر =الخير رابي والوفا باحضانه
مامر بالحكام حاكم مثله =في حكمته وبرحمته وايمانه
كل العيون دموعها وادعته = وكل القلوب ابطت وهي حزنانه
عسى اعظام اميرنا للجنه =وياعل قبره روض من ريضانه
وراح العظيم وجا عظيمٍ مثله=بعيد نظرات ووسيع بطانه
من قبل يحكمنا وهو حاكمنا =راهن حياته للكويت رهانه
صباح الاحمد عزنا من عزه =نمشي وراها وشانا من شانه
عليه مثل نفوسنا مانرضى =مصيون ذات وسيرته منصانه
الطيب يمنى شيخنا تحريبه = وعينه تبشر بالسعد خلانه
هو درع ديرتنا وهو راعيها =السيف سيفه والحصان حصانه
واللي تنبش في امورٍ راحت=مالك سنع فيها ولالك خانه
مواقف القصر الحمر معروفه=حموه ربعي واحتموا بيبانه
مطير ضد مطير ماتوا دونه =وافتكوا القصر الحمر فرسانه
والا انت جدك منثبر بالصيهد=رجليه من طرد البقر حفيانه
ماطروه باولها ولا باتلاها =لاذكر في شره ولاباحسانه
جدك مع اهل الخيل ماله طاري=الحرب ميدانٍ ماهو ميدانه
واللي جدوده مثل جدك = يسكت مايطري القصر الحمر واكوانه
راع الفشيله خابره يطمرها =لاجابوا الطاري يبي كتمانه
اللي فعل كلٍ يعرف فعوله=الناس باللي مافعل بلشانه
ان جيت للفزعات واهل الفزعه = ياسعد عين اللي مطير اعوانه
مطير حمران النواظر ربعي=نبتٍ عروقه مرجله واغصانه
تاريخهم عز وفخر ومروه= وصيت النشاما دافعين اثمانه
من الظفر ماخذ ولدهم حقه= ومن النعاره روسهم مليانه
يوم القبايل فعلها بايديها =من عاف نفسه حطهم عدوانه
اليا غزو مال مغزاهم حروه=وان جت بيراقهم تجي كسبانه
ماعمر هقوات الردى مرتهم = والذل ماوقفوا على بيبانه
ابن مصاول : أشهد بأن السعيد ورط نفسه ووضع نفسه موضع متازم بقصيدته تلك ورب قصيدة قالت لصاحبها دعني....على وزن رب كلمة قالت لصاحبها دعني