اقدم لكم هذه المحاورة التي جرت بين الشاعر فازع الصيده والشاعر حبيب العازمي في عام 1412 هـ
فازع الصيده
.................................................. .................................................. ....
حضرنا للعزيمة والعزيمة دربها سلطان ..........عاويدنا القديمة يعلم الله مانخليها
حبيب العازمي
هلا يامرحبا ترحيبة يرجح بها الميزان ...........كما نقد الذهب من بين بايعها وشاريها
الاياصاحبي فازع بعدما جيت للعتبان ...........تعين فالحقيقة والرعية عند راعيها
فازع الصيده
لعل بك البقى يالشاعر اللي يوفي الديان ........وكل يشتري ويبيع والطالة لراعيها
وراعي الشوف مثلك مايجي في قصة العميان ....بعد ماجات العلوم اللي جليل الملك حاليها
حبيب العازمي
منول يالمطاري ماتعدى ديرة المطران ...........وهالحينه تصابح في دير وديار تمسيها
انا ماني ومال المخطيه والفاضي المليان ...... انا اعرفك واعرف كبار عبدله باساميها
فازع الصيده
منول يالعتيبي طاردينك من ورا القريان ........وذالحين تبحلقلي عيونك كحلها فيها
تقوله ياحبيب وانت في درب الغلط غلطان ..... قتلوا نفس والله ياوجيه الخار محييها
حبيب العازمي
منول يالمطاري مالكم رحمة ولاغفران .......وذالحينه ماغار اذنيك ترفعها وترخيها
لقانا عندنا رحمان وانتم عندكم شيطان ....... واخذتوا عمة الشيطان وازعلتوا بناخيها
فازع الصيدة
تعلم عن فضيحة يالعتيبي وانشد الشيبان ..... عتابه كلها ماهمني طرباق اذانيها
فعلت القصة اللي مامضت في سابق الازمان .... عساها ماتعود مع العرب لاعاد طاريها
حبيب العازمي
ابا اذكرك بالعصلا وعلم ربعك العصلان .......عتابه حربها ماهو بطليان تخصيها
اليا منك زعلت اضرب براسك عجة الدخان ..... ترا الدخان يكحل عين اخو مرة ويعميها
فازع الصيدة
امانه علموني وش مضالك يوم كون هدان ..... شرايدكم ثلاث ايام ماتعرف حراويها
ذبحنا المرشدي يوم الملاقا طاح فالميدان ......حصانه في كراعه مربطه ماني مخفيها
حبيب العازمي
لعله ثم ليته يوم جات منك فالسلمان .......عسى خنذف على خنذف تجاهدها وتفنيها
نسيت الفارس المشهور طاح وعمدة الضبطان .... واعرف الاولة والثانية ماني بناسيها
فازع الصيده
ذبحنا قوم باسمك يوم جاء للمعركة دندان ..... جنايزكم كما نطل الخشب في جوف واديها
دماكم مع صليب الصمد تمشي سالت الوديان ....واخذنا بارق العتبان يوم الله دعا فيها
حبيب العازمي
.................................................. .................................................
ترى لولا علوم ثانية ونقدر الجيران ....... فتشنا عن علوم بالغطا عنك مغطيها
فازع الصيدة
ليا مريت مع قرية ضرية زاوروا قشعان ..... تعشته السباع اللي تروعكم تعاويها