بسم الله الرحمن الرحيم
السلام عليكم ورحمة الله وبركاته
أقدم لكم قصيده للشاعر عبدالعزيز بن مقحم بن شامان في شقيقه عبدالمحسن (شامان) المغفور له باذن الله حيث بعثها لي برساله فطلبت منه انزالها في منتديات الموازين الرسميه علماً بأنها سوف تعرض على قناة الصحراء الفضائيه شيله بصوت المنشد العذب سلطان بن شويمي القحطاني الفائز بمسابقة أعذب الاصوات واليكم القصيده المؤثره طبعاً
عزي لحال(ن) باري الهم يبراه=وعزي لقب(ن) غارق الهم مهموم
وعزاه وا عزاه عزاه عزاه=عزي لعين(ن) جفنها حارب النوم
كنت احسب اني بلتهي عنه بانساه=لكن والله مانسيته ولا يوم
وليا هرجت بهرجت(ن) جبت طرياه=وليا هرجلي ناس جابولي علوم
وان جيتلي في ماقع(ن) قبل جيناه=قعت ادور ابماقعي تقل منجوم
وحتى محمد يذكر انه بعد جاه=يقول عمي شفته اليوم بالنوم
هذاك ابوسلمان وشلون نسياه=خطل اليمين وبالكرم مفني الكوم
وليا نخيته جاك كله من أقصاه=وان كبرت القالات للحمل زيزوم
ياليت بقعا شاورتني وانا فداه=والله لبيع الروح دونه بلا سوم
مير القضا مكتوب والحكم لله=والعمر حسبه والاجل يوم محتوم
والله يرحم ابوسلمان رحمه واسعه ويسكنه فسيح جناته وجميع أموات المسلمين
وتقبلوا نقلي وودي