يا اللي على جسر الإمل تحتريني=وتسأل عن علومي وتفرح بالإخبار
هاذي رسالة جات لك من يديني=عنوانها الجنة و في وسطها نار
تعطيك علمي قبل علمك يجيني=تشرح لك أوضاعي وتهديك تذكار
تدري متى شلت القلم في يميني=ساعة قريتك حرف بإحساس الإشعار
وتدري متى جو الحزن يغتشيني=لا شافتك عيني من الضيم منهار
وتدري متى دمعي تحير بعيني=لا شافتك تضحك وفي عينك أكدار
ما ابيك تنثر دمعتك يا ضنيني=دمعك عزيز وطيحته طيحت كبار
تكفى لامن الحزن جا لك تجيني=والله لا اشيله عنك من دون معذار
وما همني لو كل الإوجاع فيني=اصبر ولي بالصبر خبره ومشوار