يسعد اوقاتكم
اعزائي بكل خير
ابيات متواضعه اتمنى ان تعانق رضاكم 0
.
.
ياجاير ازمـان الليـال الطويلـه =اللي كراها لموق الاعيان شحـاح
تسامره عيـن الشقـاوي عليلـه =تخيل نجم ٍ ساري ٍ غاب ماضـاح
غـاب بمغيبـه ماوجدنـا دليلـه =وبقيت مع هاجوس فكري والاشباح
واخترت من صهوة جواده اصيلـه =اسري بمضمار الجزيلات سـواح
اخـذ طوالـع سابقـات الجزيلـه =واعنهـا لاودع الليـل وانــزاح
لا لاحت خيوط الفجـر بالكحيلـه =بغرة جبين الصبح سجيت مسراح
وعديت عالـي نايفـات الطويلـه =بارق حقايق مزنهـا تحتهـا لاح
النود فـي عاليـه هفـت عليلـه =يجلى هموم القلب ذعذوع مـرواح
غنى حفيفه في مشـارف نحيلـه=جاوب صداها هاجس ٍ نابضه باح
تلقى بها نفـس الشقـاوي وسيلـه =تأخذ بها سجات والبـال مرتـاح
يدله عـن اللـي بالخفايـا ثقيلـه =مغلق صناديقـه عليهـا بمفتـاح
مسايـر الايـام ماشـي سبيـلـه =على خطا الاقدار والعزه وشـاح
عزيز شايم عـن مبـادي هزيلـه =بدنيا عيوب أخلاقها صار فضـاح
وش عاد باقـي بالمبـادي نبيلـه =اللي بها مجبول مضمون الارواح
دفنت بلا تشييـع فـرض ونفيلـه =ولىّ اثرها مع زمـان ٍ بهـا راح
يحكـم عددهـا مايحكمـه قليلـه =ويغرق بموج بحورها كل سبـاح؟
.
.
كل الود ... احمد العوفي