قلبي غدا لـحـروف الأحزان قرطاس=والعين منها الـدمع بالخد سالي
كثرالـمصايب والـخطايا والإتعاس=وهم وحـسـوفة والـخسارة مـجالي
والهجر والفرقا تساوت بالإوناس=كل الـبـشـر حـولي وكني لـحالي
اكبر مصيبة واجهتني من الـناس=عـنـك اعـذلوني يا بعد كل غالي
واكبر خطية جـرحـت حـس الاحساس=صد الـحبيب وكثر قـطع الـوصالي
واكبر هـمومً شيبت قـمـة الراس=فـرقا العزيز وهجر سود الليالي
واكبر حـسوفه ضيقت درب الانفاس=نثر الدموع من اجل جمع الريالي
واكبر غـمامة خيلت فوق الاطعاس=كثر الـمنى لو جـوها ما صفالي
واكبر خسارة حولتني على الياس=ظـلم الـعمام وبـعد جـدي وخالي
شمخ قصيدي وأعتلى قب الإفراس=مع كل حــرفٍ مـن حـروفي بـكى لي