صح لسانك أخوي أحمد العوفي
يازارع بذورك على بـارق الصيـف =دورة فلك صعـب ٍ عليـك اكتشافـه
لاتغرك مـزون ٍ بروقـه رفاريـف =ودوي صـوت رعودهـا وارتجافـه
يزول غيمـه ماسقـى نـوه الريـف =وشمس الضحى تشرق وتكشف خوافه
اذا اشرقت يصفي سماهـا مكاشيـف =وتاضح منازيل العرب فـي ضفافـه
واليا زهت بعض المخاييـل بالطيـف =فيها اندماج اللـوان غامـض مشافـه
وتعذرت رويـة عيونـك ولاشيـف =اللي بـرى قوسـه وشـد انعطافـه
ياصاحبـي بالهـون مابـه تخاليـف =مافيـه شـي ٍ يلـزمـك للكـلافـه
الثقـل يكفـي والتأنـي بـلا سيـف =نوب التجاهـل زود عقـل وعرافـه
خلـه قبـل مايفيـد فيـه التحاسيـف =لاشفـت ماخالـف ظنـون الخفافـه
يحتـار فكـرك والنتيجـه مطافيـف =ويقصـر ولايضفـي عليهـا لحافـه
لاتلتفـت باللـي مشـى بالتجانيـف =عوج الدروب اللـي كثيـر انحرافـه
واحذر بحور الموج فيهـا مردايـف =يطغى على خضر الشـواط ومرافـه
بعض البحور لابد جهـد ومجاديـف =والبعض برمودا خطيـر ومهافـه !!
قصيدة كلها إبداع دمت ودام إبداعك يا خال