اقتباس:
المشاركة الأصلية كتبت بواسطة علي حميدان الدجيما
ياوجودي وجد من ضيع حصيله=بين سابك والمصافي والمواشي
وسوق الاسهم لانزل مافيه حيله=اشهد انه راس ظبي بلا عراشي
آتوجد كل ما شفت الجميله=ضاع مجهودي على خالي بلاشي
وانت ياللي ما طلبت المستحيله=لجلك ايهون الطلب ويهيض جاشي
والله اني فيك لاجر الطويله=لو يخصمون الحكومه من معاشي
ياملاك الزين انا روحي عليله=شاب راسي فالهوا ماني بناشي
والمحبه طابقت دم الفصيله=وصبح الموضوع مايقبل نقاشي
لاتقولين الدجيما عزتيله=قولي انه ماسلم والوضع ماشي
|
كفو كفو ولله مبدع يا الدجيما وتنفيذ طلبي خلني أحط أسمك تاج على راسي وصح السانك وتسلم يمينك يا الغالي