هذه القصيده قبل ثلاث سنوات وجهلي البناخي الشاعر مهل بن غريب بن مدلج
قصيده ورديت عليه بهذه القصيده علمآ بان قصيدة مهل لاتحضرني ولاكن هذا المرد
كثر الطلب عليه من الاخوه بتنزيله بهذا الصرح الغالي
يالله ياكافل حيات ابرق الريش=ويامسقين سود الكبود العطاشي
ويعالم(ن)غيب القلوب المغاشيش=وياجابر(ن)كسر العظام الهشاشي
وياواسع الرحمه بليا بخاشيش=وانت الذي مافي عذابك نقاشي
رحمتك يوم الحشر لاقفل الشيش=ولعاد ينفع لاولد لامعاشي
والثانيه يامرحبا عد مانيش=عشب(ن)مربعبه جميع الدباشي
برسالت(ن)ماجاتني بالبخاشيش=جتني بعد مازان نوم الفراشي
من واحد(ن)يسوا هل سدير والبيش=غلاه ثابت في معاليق جاشي
مهل ومن غيره مهل جعله يعيش=وخاله ليوحا بس طاريه شاشي
من عزوة(ن)يوم اللقا فالمغابيش=كم فارس(ن)منهم يصيبه خراشي
على ظهور الخيل ولا على الجيش=ياما حذفو من روس قوم(ن)طياشي
قدام حكم اللي ضمن لقمة العيش=وانها النزاع ورزق الاجواد ماشي
لين استوا الرجال والخبل والديش=كلآ تسمى والسوالف بلاشي
ولا انت طيبك ماتجيبه عراميش=الطيب جبته يبيض الوجه كاشي
تمت وصلى الله على صفوة قريش= محمد اللي دون الاسلام هاشي