توك صغيـره وابتديتـي تحبيـن =من علمك ليل السهـر ياصغيـره
بدري عليك العشق يابنت هالحيـن =حرام هذا القلب وشهـو مصيـره
انتي بريئه في الهوى ليه تشقيـن؟ =صدماتـه لقلبـك تراهـا خطيـره
عيشي الطفولة واتركي الحب بعدين =وادروبه طـوال عليـك وعسيـره
الشوق يفضح لاانكشف داخل العين =وانتي بنفسـك ماهقيتـك بصيـره
إن كان قصـدك بالمحبـة تسليـن =بالعكـس بتشوفيـن هـمّ وحيـره
الحب قبلـك هـز نـاس كثيريـن =خلاّ القلوب تعيش خـوف وغيـره
طيعي كلامي واحـذري لاتماديـن=تراجعي لعـل فـي الأمـر خيـره
عيشي الطفولة والبراءة لك سنين =وبعديـن حبـي لاغديتـي كبيـره
صح الله لسانك ولسان شاعرها