عطني الامان وفرش لك الصحراء حريـر=والنجوم عقود والشوق تـروي جمتـه
شلت حمل(ن)مايشيله من الثقل البعير=كل ماهب الهوا فـي خفوقـي زمتـه
كن صدري للمشاكل بها سودة عسيـر=والهموم اشجار وصدوف وقتي نمتـه
ثار بركان المشاعر وجا الخافق نذيـر=استخال من المعانـي وجـاك برمتـه
مفرداتن كنها قافله فـا ثنـا ءمسيـر=استباحت كـل نـادر كـلام وضمتـه
ويل حالي كل مادق هاجوس الضميـر=ورتجف عضوآبصدري بعالـي همتـه
كني الي ماتت امه وهو طفلن صغيـر=بعد عطف الوالده ذاق قسوت عمتـه
بين تحقيق امنياته وتحديـد المصيـر=الليـال القاسيـه بالهنـاء مـا لمتـه
كن دورات النفس من شهيق ومن زفير=من مواجع كـل مافتـك منهـا خمتـه
كيف ابدله والعنا صار في عمري خشير=له جذورآفـي ثـرى خافقـي متعمتـه