حفر قلبي بهمسآتـه..وجآني حآمـل أكفـآني !
بكيته وأرتجف حسّي .. وضـاق الكـون بأعيانـي
بعد ماصرّح إحساسه .... بأنه ناوي ٍ يرحـل ..!
بِكَانـي حظّـي العاثـر .. وهمـي زود بكّانـي
ياكيف آعيش من بَعده .. ودونه فرحتي تخجل ..!
جمع جيش الحزن واقبـل .. بيـدّه دمّـر أركانـي
طعن فيني وليـد الفـرح .. وأقفـى دون مايسأل ..!
على شانه نسيت الناس .. ابد ماهـو علـى شانـي
وقدمتـه علـى غيـره .. وخليـت البشـر تعـذل ..!
نسى كل شئ سويتـه .. وصبـري عنـه لاجانـي
يحاكيني عن جراحه .. وعن صـد البشـر لا أقبـل ..!
تنفسـت الأمـل منـه .. وطيفـه وسـط أجفانـي
وأثاري أكسجينه " سم " سرى بروحي وأنـا أجهـل ..!
وناوي يهجر قليبـي .. يزيـد الجـرح مـن ثانـي
يعاندني يحسـب إنـي .. مثـل أوّل أنـا ماأزعـل ..!
أنا ادري فيه يلعب بـي .. يبـي يزودهـا أحزانـي
يبيهـا تجـف أنهـاري .. يبيهـا وردتـي تـذبـل ..!
حفر قبـري بهمساتـه .. وجانـي حامـل أكفانـي
يبيني أدفن إحساسـي .. وأرضـى بغيبتـه وأجفـل ..!
كتبت فبيتـي السابـع .. كـلامٍ عنّـه ماأرضانـي
كتبـت إنـه مايعنينـي .. ودونـه دنيتـي أجمـل ..!
مع إنه بالخفا ساكـن .. مابيـن عروق شريانـي
ويأمرنـي على كيـفه .. وشــوره دايـم الأعقــل ..!
ولكنـه قبـل يبعـد .. علـى بـابـي تحـرّانـي
بيّـدة دفتـرٍ أحمـر .. وحالـه جــداً مبـهـذل ..!
وسلمنـي كتاباتـه .. بنـظـرة عيـنـه أحيـانـي
تناسيت الألـم لحظـة .. وهمـت بحالـة المهمـل ..!
وودع بعدهـا قليبـي .. ونزلـت دمعـة أعيـانـي
بعد ماصرّح بكلمـة .. ضـروري " أبتعـد " وأرحـل ..!
منقول