أبتدا يومن جديد وصفحة الماضي طواها = وأنتهيت من العذاب اللي قديم وقلت خيره
بس ذيك البنت صدفه جيت كلي من غلاها = يوم شفت عيونها والموت يرسل لي نذيره
من عيون الناس والحساد يا خوفي علاها = لعنبوها كن مابه مثلها بأرض الجزيره
تسحب بساط المحبه من عيون اللي رأها = اّه ياسر العيون اللي لها نظره خطيره
شدني فيها تصرفها وهيبت كبرياها = شكلها ماهو بعادي ما تقلد بالأميره
صرت كني تحت أوامرها وماشي في أرضاها = كن قلبي داخله ريموت بيديها تديره
عذبتني واثرها أبعد من نجومن في سماها = تستغل أسلوبها معيه وشرهتها كبيره
قلت مدري وش بلاها وش بلاها وش بلاها = الوكاد من أول النظره لقى قلبي مصيره
تلفت الأنظار لامرت وتستخدم ذكاها = والنتيجه من توا ضعها لها مغزا وسيره
تختلف عن غيرها مره رفيعن مستواها = الحضيض اللي من أصل الحب مرتاحن ضميره
فاقد الحاجه ترى لو يدّعيها ما عطاها = واثر عيب الآدمي مايكشفه يا كود غيره
مثل ما قال المثل لا صار داها من دواها = الله اللي يعلم الخافي ويدري بالسريره