اقتباس:
المشاركة الأصلية كتبت بواسطة اللهم افرجها
السلام عليكم ورحمة الله وبركاته
اليوم بعد صلاة الفجر رايت اننا جالسين ببيتنا وكان معانا رجل من محلات ذهب معروفه عندنا وقال انه في هدايا للعروس الي تشتري من عندهم والهدايا بخور وانا واختي المتزوجه جالسين اعطى اختي كيس واعطاني انا كيس فيه بخور عود قلت له عود لا يعني زواج انا مابتزوج دحين اعطيه فهد اخوي نبغاه يتزوج ونفرح فيه وبعدين اعطاني كيس فيه هيل ولبان وبعدين جات امي وقالت الملك عبدالله جاي وانا فرحت قالت لا جاء تغدى عند شيخ قبيلتنا وراح بعدين انا رحت للشباك وشفت سياره مرسيدس اسود ووراها شاحنة نقل وجيب شرطه ورحت جري وقلت والله الملك جاينا والي ياكد انه هو معاه شرطه وامي راحت تستقبلهم قلت لها لاتنسين كلمي الملك على البيت الي نبغى نشتريه وكلميه على وظيفة فهد قالت طيب وكنت ابخر في البيت من البخور الي اعطاني اياه الرجل وماكان عود كان معمول بس ريحته مافي اروع منها وفي نفسي قلت عمري ماشميت زي ريحته من قبل مره خياليه
واخويه كان يلبس في شماغه عشان يقابل الملك وانا لبسته عقاله وقاعده اضبط شماغهوكان مبتسم واحس شكل ملامحه صغيره كانها ملامح مراهق بس كان شماغه وثوبه مجعلكه مو مكويه بس الشماغ بان عليه اكثر الجعلكه وكنت بقول له ان شماغه كانه مو مكوي بس سكت ماتكلمت
ورحت المطبخ اجهز القهوه واطلع فناجيل كانت قزاز وشكلها كانها بيضاويه واطرافها فيه قطعه ذهبي وكنت محتاره اصب القهوه في الثلاجه الذهبي او النحاسي ...انتهى
ورؤيا لاختي .. من اسبوعين تقريبا رات انه في بيتنا القديم وشافت اخويه الكبير لابس ثوب ابيض دخل المجلس وباين عليه مايبغى احد يشوفه متخبي من امي مايبغاها تشوفه ولما طلع كان معاه باكيت دخان واختي اخذت من هالباكيت سجارتين وتاشر لابويه اني اخذت منها وكانت وحده لونها ابيض واصفر والسيجاره الثانيه ابيض واخضر وودتها لمكان كانه مختبر ورجعت للبيت فرحانه وتقول لابويه انهم يقولون هذي السجاير مامنها ضرر.. انتهى
|
هل أخوك الذي تلبسيه الشماغ عاطل عن العمل وهل خطبتم له ؟وهل أنت تعانين من حب شباب أو حكه في الجلد؟
أما رؤيا أختك الثانيه فيظهر والله أعلم أن أخوك الكبير يعاني من مشاكل صحيه قديمه وستزول إن شاء الله
ربما مرضه من قبيل الأمراض النفسيه فقط وليس في جسده شئ ولله الحمد لكن لبس الثوب الأبيض دليل على التعافي إن شاء الله