يسرني ان اشاركم بهذه الابيات الغزليه من الارشيف القديم اتمنى ان تحوز على رضاكم
الله يسامحك يالمحبوب ويبيحك=ياللي على زود هجرك زادت احزاني
العام توعد وتوفي قبل تجريحك=ويسير حبك وقدرك وسط شرياني
واليوم يالترف تبعدلي مصابيحك=وتشوم عن ديرتي ياخدر الاعياني
بنيت بيتك بقلبي قبل تسريحك=كله على شان ماتجفاء وتنساني
بيتن مشيد وسلمتك مفاتيحك=بانيه من لول يالغالي ومرجاني
واخر زمانك لنا تومي مسابيحك=وتقول قلبي قسئ مدري تحداني
يازين وين الغلا والخوف ياويحك=اسرجت خيلك وقلبي فيك دمياني
انت الغلا والحلا والعطر من فيحك=وانته حيات العمر للقاص والداني
اي والله اغليك واحبك وابانيحك=وغلاك ماجود لايمكن يجي ثاني