مرحوم يا شيخ(ن) فقدنا جنابه=لو غاب عنا داخل الفكر موجود
عساه يلقى عند ربه ثوابه=وعساه فالفردوس من راعي الجود
ويارد على حوض النبي والصحابه=في جنة الفردوس والحوض قرهود
مافيه فعل للخير إلا سعى به=شيء(ن) خفي وشيء ظاهر ومشهود
كم واحد(ن) من مبتليه إلتوابه=يزبنه لو كان مذنب ومضهود
غيث(ن) على المحتاج مثل السحابه=اللي مطرها منبت(ن) يابس العود
مير العوض عقبه قوي المهابه=اللي بفكره دايم الأمن في زود
نايف الى من الصديق انتخابه=واللي يعادي نايف الامن مقرود
واللي يخل الامن نايف عذابه=يقول هذا الامن للشعب منشود
من خالف الطاعه عليه الحرابه=عابين للعدوان نار(ن) وبارود

وسلامتكم...