سافر وجمرة عبرته تكوي الموق = يمشي وكل ماصد عوّد وبرّق
كنّه يسولف لي عن الحزن والشوق = وللحب لا سلهم بعينه تطرّق
وأنا غديت بـ زحمة الشوق مخنوق = حتى الجسد في شدة البرد عرّق
تخنقني أشواقي من البعد وأتوق = والجفن من دمع المفارق تغرّق
رغم المواصل بين عاشق ومعشوق = لابد من عقب المواصل تفرّق
لا قالوا إن الحب له ساس وعروق = حبه ترى بـ عروق قلبي تعرّق
بالحيل أحبه سيد الحسن والذوق = حب الحبيب اللي بـ حبه تحرّق
سافر وقلبي بعد فرقاه محروق = فج الضلوع ومعه غرّب وشرّق
هذي سواة الحب في كل مخلوق = لا عآد طاري الحب ( جمّع وفرّق )