يشوقني شوف القرابـه والأصحـاب.=ويشوقنـي شـوف الرجـال الذيابـه.
ماني من اللي يطرد المقفي إن غـاب.=ولافيه ظامي يرتـوي مـن سرابـه.
شامخ بذاتي وعزة النفـس ماآهـاب.=وعندي شموخ يزيـد ذاتـي مهابـه.
شيخ الرجوله غصب تخضع له اشناب.=خلق وأدب وخصال جـود ورحابـه.
لي نظرة في بعض الاقراب واجنـاب.=وكـلٍ علـى كيفـه يوجـه خطابـه.
ماكل رجـلٍ يلبـس ثيـاب وثيـاب.=ينقال رجـلٍ والخطـأ مـن صوابـه.
اصناف واجناسٍ وشـيٍ لـه اسبـاب.=ومن غير مااشرح واضحٍ من كتابـه.
هذا يحب المـال وانسـاه الاقـراب.=وهذاك هـم حـب النواعـم غدابـه.
حبٍ على غير الشرف ماله حجـاب.=لابـد مايلبـس وشــاح العيـابـه.
ماينستر محظور لو جاب مـا جـاب.=لابـد مايفضـح ويشكـي عـذابـه.
ومن دق باب اجواد دقو لـه ابـواب.=قـدام عينـه والخفـا مـن درابــه.
وإن قيل غلطة جاهل اقول ماصـاب.=الجاهـل اللـي مايحصـن شبـابـه.
عند النواعم راحت ارقـاب وارقـاب.=وعرض البشر نـار تـذوّب سحابـه.
وياراعي الدنيا ترى المـال ماطـاب.=قـارون قدامـك تــرى ماهنـابـه.
خشمه تعلا واشرك بـرب الأربـاب.=حلت وفاتـه ..مابـه احـدن عنابـه.
شق الله ارضه وانفتـح بـابٍ وبـاب.=وعانق سما الكفـر وضَـرّه جنابـه.
هذا الزمن كل البشر وسطه اغـراب.=اخوان وبيـن اخـوان زادت غرابـه.
سب وشتم وانياب تعرش لهـا نـاب.=كـذاب وهرجـه مايحسّـب حسابـه.
والعمر ولّى واسود الراس قـد شـاب.=والآدمـي والله منـاه فـي شبـابـه.
طبعٍ غريب ويالله اغفر لمـن تـاب.=جـزاه عنـد الله جـنـانٍ ثـوابـه.
تم الشعـر وابقفـل ابـواب وابـواب.=من هاجسٍ درب الكبـر مـا مشابـه.