السلام عليكم ورحمة الله وبركاته
آخر اللي تركـه الطيـر يومـه غـدى=برقعه وجرحه اللي بين أصابـع يـدي
كنت أظنه قضى هالعشق وأثره مابـدا=ليـل فرقـاه ليـل موحـشٍ وأسـودي
كن عيني تشوفـه ميـر مالـي جـدا=راح يـومـي بجنحـانـه يـجـردي
ياللي الفضا هو مداه وأنا النظر لي مدا=نوب أسند جنوب ونوب أسنـد جـدي
جيت حـروة مضيـع الطيـر ويالنـدا=وجا معي فزعةٍ لـي خيّـرٍ وأجـودي
صحت له ولا سمعني غير ذاك الصـدا=منه كن بخفوقـي مثـل رشـة بـردي
ما هدا ذاك الشعـور بضيعتـه ماهـدا=شفت وكـره خِلـيٍ والحـزن يبتـدي
عادة الطير يجفـى طِيـب مـدري ردا=هـوّدي ياهجـوس البارحـة هـوّدي
من غدا الطير منـي قلـت علّـه فـدا=وين أبشقي وأنا اللي كني قد فقدت ولدي