هيهات ياقلب الهواجيس هيهات = ياعنك ماني من عناك متخلي
لي ليلة مانام فيها ولا ابات = اسهربها لانني اقوم اصلي
يطري على بالي علومً كثيرات = علماً يطمني وعلماً عن الي
والله يالولا الدلال الحشيمات = ونجرً ليا نشته كلامه يسلي
لغدي حريقة بنتً جوف مقهات = لغدي حريقة بنتً جوف ملي
كبنها تجلب على القرابات = ويفرح بهم بالي ورحب وهلي
عقب ارتدا شوفي لقو في خلات = يضحك بي الهدر السمين المفلي
وياما تسلينا لهنه منيسات = وياما طرحت القشعمي ما فطلي
وياما رميناهن بعيداً مشفات = وياما جلبه الله وجاء مقبللي
وياما تبعناهن وراحن سليمات = وياما رجعت من الضما مستغلي
وياما فحقة معايناً جوف حضرات = افحقبها المعيان ماقول هلي
وياما شربت من البحور الغزيرات = انهل من حياض المحبه واخلي
يوم الهوى شريف واهنه شريفات = وقدام نسمع حسهن بالسجلي
ولاكيمرو هنه هل الكيمرات = ولاميزو بوصافهن بالتحلي
بنات بدواً ماهنه بحضريات = ماكل يوماً للمنافع تطلي
بنات بدواً بين صوله وجولات = يندن من ناد الادام المفلي