البارحه من بعد زان النوم فالثلث الاخير=جلست افكرفالليال الماضيه وعلومها
مدري كسبنا شر ولاكسبنا فالوقت خير=اقفت سنين العمر والاجال يدني يومها
والشيب بين فالذقن والشيب لاباين نذير=العمر مقفي ونفس العبد وش مقسومها
هل اكسبت حسنات؟ ولا كسبها شرشرير؟=ما عاد يمدي لوم لوني بغيت اللومها
خضعت للواقع ولا أدري ويش تحديد المصير=لكن احس النفس تو استيقضت من نومها
والفرق مابه فرق مابين الغناوي والفقير=ولافيه فرقن بين شجعان البشر ورخومها
الفرق يطلع في نهارآ فيه يلزمك المسير=عاري وكل الناس ماهي يم لبس اهدومها
لشخصت الابصار والموقف هاك الساعه خطير=من هولها الناس العرق ياصل لحد خشومها
وقدام عينك يوضع الميزان ويقر القرير=وتقول يالله هون الساعه وهون يومها
وناضرت فالجنه يمين ومن يسارك زمهرير=نارٍ تلضى كيف تاتصبر على يحمومها
يالله رضوانك وعفوك يامجيرالمستجير=يعالمن غيب الليال وشرها وهمومها
انا تحت رحمتك وانت اللي بمخلوقك بصير=اغفرذنوبي يامعين الصايمين بصومها
صراحة قصيدة جزلة وقويه للغاية كل بيت هو قصيدة فصح لسانك اخوي علي على إتحافنا بها
وقد تم فصل هذه القصيدة عن موضوعك السابق اللي تحت هالرابط
http://www.almouazeen.com/showthread.php?t=11519 حتى لا تضيع هذه الجزلة ضمن ذلك الموضوع..
أخيراً لا تحرمنا من جديدك المتجدد
أبن مصاول