ســددت قـافـي والمثـايـل تهـاجـم=من فكر شاعـر ماقفـه عـن قبيلـه
كم نجم في عـال المجـرات ناجـم=وكم نجـم حالـك بالمجـرّه سبيلـه
فـي مدهـل الويـلان ود وتسـاجـم=طـاقــم إداره كاسـبـيـن الجمـيـلـه
سبكـت حرفـي والمعانـي منـاجـم=رصّعت شعري مـن فرايـد جزيلـه
أنشد عـن اللـي لِجِمَـت بالملاجـم=يالداهـيـه أرخ الـرسـن للكحـيـلـه
مـادكّـت المـيـدان طـبّـت مـعـاجـم=ماشافهـا القـاري بعيـنـه أصيـلـه
ماتِرْجِمت للفـرس وقـت التراجـم=رمّزتهـا عـن كـل نـفـس ٍ عليـلـه
افخـر بهـا وتهابهـا ايديـن راجـم=مادامهـا فـي صـدر قـاف ٍ نشيلـه
من نجم حمـران النواظـر وناجـم=بعض العرب لو صار معه الدليله
ابغى خبرهـا كيـف يـوم الجماجـم=ذلّـت مـن اخـيـال ٍ تـزبّـر مخيـلـه
ناس ٍ تطبب ناس حطـت محاجـم=تبغـى دواهـا والفشيـلـه حصيـلـه
قدنا حصـان القـاف بيـن البراجـم=فكـري عنانـه والجزالـه صهيـلـه
هذي مِهارالشعـر بالجـوف داجـم=تدحم ضلوعي مارضت بالهزيلـه
والهجمه اللي سددت من مهاجـم=إمّـا هـدف والاّ العـوض فالبديلـه