هذا قصيده وجهتها للشاعر علي حميدان تعبر عن مافيها
أرجو ان تحوز على اعجابكم
يا علي ما أشوف لك فالدار نشاده=أتحضر وتغيب واشوف الوضع عادي
والناس نسيوك لو ماهي لهم عاده = وصار النظر عنك يابو حسين متحادي
وسحابتن خيلت تبرق ورعاده = ماذقت من سيلها لو انت ورادي
وبالنادي اللي بجمهوره ورواده = ماحط لك جائزه يالاعب النادي
واللي بعدك ادخلوبه عانهم ساده = صارو كباتن فريق وصارو اسيادي
اهملك الاعلام كتابه ونقاده = اضن الاعلام حصل ناسن اجدادي
لو انت تشبه لسلطانه وجلاده = تابعك الاعلام بالتلفاز والرادي
مار انت جندي وحضه ضيع اجهاده = وكم غيركم مانفعه اخلاص واجهادي
مواطنن ماشمله الخير فبلاده = ماعاد له بالوطن ياعلي مقعادي
يالله ياللي لوجهه تسجد اعباده = ياخالق الخلق يامعبود ياهادي
تروف باللي ثلاث أشهور وزياده = مايهتني بالمنام وعايف الزادي
نفسه عن الناس منصده ومنصاده = كنه لحاله خلا ماحوله منادي
يونس بكبده لهائب نار وقاده = ناراً حطبها سمر توقد توقادي
لو إيتعالج حديث الطب مافاده = حتى المطوع وطب الشعبي العادي
الطب مايكشف اللي داخل فواده = كل الاشاعات والمنظار مافادي
اشكي لك الحال يابو حسين وانكاده = بعد الولي بشتكيلك يابن الاجدادي
حالي قضا ياعلي والنفس طراده = الحال بعد الغضي ماعنه نشادي
كله سبايب وليفن طول اعناده = لين اختلف وقت ميعاده وميعادي
عقب الرجاء فيه صار الياس ميراده = حبل الرجاء صار متعقد تعقادي
جرح فوادي عسا الله يجرح افواده = وافرح عليه عداي وكل حسادي
لعل ذنبي قلاده برقبت غاده = الله لايسامحه مركوز الانهادي
وهذا رد الشاعر علي حميدان
البارحه يوم كلن زان مرقاده = انا منامي نكد مازان مرقادي
عيني عن النوم عيت مالها راده = وعن راحت البال قام يحدها حادي
اونس بصدري موسيقه تعزف للقاده = واحيان تشبه لصوت انبير عدادي
شعراً يبلغ خفوقي عيد ميلاده = عشرين عاماً تناصف عيد ميلادي
من فضل ربي وشعري يقدح زناده = من صوغ فكري وشف البال ومراده
حضنتها مثل عودن لصغر اولاده = من خوف لاينتقدها كل نقادي
ردن على الشاعر اللي عربه اجداده = شاعر وناقد ومثل السيف جلادي
ينشد عن القايد اللي كثروا فراده = ويقول ضاع الدجيما بين الافرادي
واقول يالشاعر اللي ضيع امجاده = ميثبت الحجه الا شهود وسنادي
وعلي تربع على مركاه واشداده = ولا هو بنا اللي يخون الملح ولازادي
ولا عاين الناس نزاله وشداده = ولا كنت افكر اسافر واترك ابلادي
بنيتلي من طناخة راسي اعياده = طبن يخلد بصرح اولاد عبادي
والرجل وده يحقق غاية مراده = والطيب مايحتكره عماد وعنادي
الطيب عدن عليه الناس وراده = ومن لايزيد الجماعه مات مازادي
وانته ترى ماحصلك كود سجاده = لو طعتني كان لك سواتي اشدادي
شيبت وانته مطلع رخصة قياده = جرتك فالضلع والمرقاب والوادي
ضيعت خدمتك ولايام جحاده = ومن لا حفظ خدمتهماعنه نشادي
وانكان تشكي علي الحب واجهاده = يافالح اضن توك بالهوى بادي
زرعت زرعك وجاله ناس حصاده = وانته تقول انتبه لزرع ياعنادي
واليوم غاده نستك وحطة اقلاده = وحطة على الباب شمع ولوحة ارشادي
وتقول ليته يسد البنك واقصاده = ماله ومال البنوك وبعض الاقصادي