السلام عليكم ورحمه الله وبركاته
اضع بين ايدكم مجاراتي لقصيدة الشاعر / بندر بن تركي بن فيصل بن بندر الدويش التي قال فيها
لولاك ماعني اللكزس لجراره=في ليلة مضلمه والارض ممطوره
أسلي النفس في نوره وفي ساره=ولا عاضني فيك لا ساره ولانوره
ومجاراتي له
انا سمعت الدويش و جملة اشعاره=شاعر وجزل القصايد يقطف زهوره
يغوص ويجيب لولوه و محاره=يصور الواقع اللي كان بالصوره
مدري دخل جنته ولا دخل ناره=ولايسوق الضعن مع وسط مضهوره
يسري اللكزس اللي تو بغباره=مع ديرتن مظلمه وعره و محظوره
شاعر وجزل المعاني حطها شاره=يلعب طروق الهوى في كل غندوره
يونس جروح الغرام و يكتم اسراره=راع الهوى بالهوى مايملك شعوره
خشفن ليا عرضت بالزين جباره=تلعب بقلب المولع لعبة الكوره
تلعب كما المهره اللي وسط مضماره=تنسف جديلن على المتنين منثوره
والعين عين اشقرن فعالي اوكاره=من ماكرن في جبال الهند مشهوره
ماهي من اللي تدوج داخل الحاره=من صغرها مامشت بالمدن وقصوره
تمشي مع البر وسط الذود و بكاره=تركب على الجيب مع خلفه و مقهوره
بندر لعل المزون الغر بدياره=خلاني اجاوب القمري وعصفوره
طرى عليه زمانن فات باذكاره=وانا عنه سالين والنفس مسروره
راح يتجدد بوسط القلب تياره=تيار حبن قديم وفاتت شهوره
يتلني تلة الفكسار بانماره =لاعشقوه الدبل مع كل عثموره
ليا عطاه النٌمر ثم انتهض زاره=شيخن برز بالمواقف دون جمهوره
لو ان داري يابو بندر ماهو داره=داره وانا ديرتي بالخير معموره
الشاعر / شقران بن فايز بن عجل بن مصاول بن مدلج