[CENTER][SIZE="5"] بسم الله الرحمن الرحيم
السلام عليكم ورحمة الله وبركاته
محاورة اليوم الثلاثا 20/4/1433هـ
بعد نهاية المحاورة اخترنا لها هذا العنوان
سوريـا
احد الشعراء تقمص شخصية الشعب السوري والاخر تقمص شخصية بشار الاسد
الشاعرين
علي الدجيما ------- عبدالرجمن العقيلي
علي حميدان الدجيما
"ادخل على الله يالعقيلي فالدجيما وش نويت=ياللي تعجب من هموم الناس لاتبلابها
ياللي تحسبنا على عهدك وخبرك مادريت=ترا فعولك خلت العالم تثير اعصابها
عبدالرحمن العقيلي
انا نويتك عقب هاك الليل يوم انك سريت=ابعالج الناس المريضة من بلا كد صابها
عز الله اني كد رميتك مير ماكني رميت=والناس لو مافضحو بي ماطرقت ابوابها
علي حميدان الدجيما;
ترا المصايب كيد حلت فالعراق وفالكويت=عينت حكام العراق اللي ترف اشنابها
وانته تجاهر بالمعاصي كل يوم ولستحيت=والله لتاطا فوق جمر النار ياشبابها
عبدالرحمن العقيلي
ابشرب من الماء وسج الرجل لامني رويت=كم شمس غابت حولنا محدٍ حسب لغيابها
مادمت انا بين الخلايق صار لي مليون صيت=والله ماسئل عن خشاش الناس واللي جابها
علي حميدان الدجيما
عزالله انك منت رايح كود في ظهر الونيت=لسجن ولا للبيوت اللي كرهت اترابها
وصيتك ماهو صيت الرسول اللي ينور كل بيت=دقت محيسن في نحرك بحدها ونصابها
عبدالرحمن العقيلي
لو ينحني كوعك لراسك ياالدجيما ماانحنيت=والسجن معقل للرجال بصيتها واحزابها
اسطي ولاا تردد على روس الافاعي لاسطيت=يوم بعض الناس فالشدة تخور اركابها
علي حميدان الدجيما
اجل تحمل مايجيك من الدجيما كنبليت=خل الافاعي منت واصل روسها وذنابها
حنا نخبرك في محلك لاسرحت ولا ضويت=فالخيمه اللي كان شاءالله قطعت اطنابها
عبدالرحمن العقيلي
الا: انت قلي كم مضى من عام عقب انك غزيت=لوفيه هيبه لليهود يمدي هنيه هابها
لاذقت لوعات الزمان المر بالواقع رضيت=وخليت ليلى العامريه في حظن خّطابها