طائرة فكري علـى شبـه الجزيـره.=رحلـة ٍ مَجّانِـيَـهْ والـحـال مـاشـي.
أربط حْزامك ترى الرحله خطيـره.=كابتن ٍ مطنوخ مـا جـاه ارتباشـي.
لا شلع هاجوس فكـري بالمسيـره.=لا تكـلـم أصّ مـمـنـوع النـقـاشـي.
فكـر شاعـر راسـم ٍ معنـاه سـيـره.=حالهـا مؤسـف وترقـب للمناشـي.
ارضـهـا قـفـرا ودنيـاهـا عسـيـره.=والصبر برّد على كبـدي رشاشـي.
الــذره والا العـلـف والا الشعـيـره.=أحكروها وارفعوا سعـر المواشـي.
لو هجدك الضيف ماعندك حظيره.=الذبيـحـه مــا يغطيـهـا المعـاشـي.
تاجـر ٍ يرتـع ويرثـع مـع شـويـره.=وجبـة ٍ دسمـه ولا فيهـا عـراشـي.
والغلا حَوّل علـى النفـس الفقيـره.=شب فيها نار في عصر النجاشـي.
بايـع ٍ نصـاب بايـع مـن ضمـيـره.=الامانـه والطمـع بـحـر ٍ وطـاشـي.
تاجر ٍ ما خـاف ربـه مـع خشيـره.=وكل جمّا نافسـت بالسعـر حاشـي.
الرقابـه مـن عصـابـه والظهـيـره.=شالهـا الحمـال والسـواق راشــي.
بين درق وبين سرق وبين حيـره.=قـل مالـي سـم حالـي فـج جـاشـي.
الوزيـر اللـي تهيمـن مــع مـديـره.=جعل عينـه فـوق ظلمـه للغباشـي.
شافت الاعين مـع يْديـن ٍ قصيـره.=وقتـنـا بـكـاش والبـكـاش كـاشـي.
مـع رعـود ٍ للفتـن عيـن ٍ بصيـره.=ماهنت بالنوم في دمـث الفراشـي.
الوكـالـه فـــي مـراكـزهـا كـثـيـره.=والغلا مطوي على سلك وقماشـي.
ياملكنـا الـورد مــا يفـنـى عبـيـره.=وكم جروح ٍ ماجفاها خيط شاشي.
حالنـا حـلّـه عـلـى كــف ٍ سفـيـره.=للكـرم واسلامـنـا بالـعـدل نـاشـي.
ياملكـنـا نــادت أفـــواج ٍ غـفـيـره.=حـدد الأسعـار ويطيـب المعـاشـي.
ياخصيم الظلـم والشكـوى مريـره.=الغلا هو المـرض والحيـن فاشـي.
ادحـم التاجـر وعمـيـان البصـيـره.=فِج صـدر الظلـم لـو الغِـلْ غاشـي.
احتمينـا فيـك يـا صـقـر الجـزيـره.=وكـل روح ٍ فـي حماكـم ماتناشـي.