منتديات الموازين الرسميه - عرض مشاركة واحدة

غير متواجد حالياً

لو جزت من بعض المخاليق وانحشـت
العـام قبـل يصيـر بالـراس دوشـه
ماشاب راسي قبل شيبـه ولا اندشـت
ولاصرت انا والنفـس دايـم بهوشـه
اليا بغيـت ارتـاح معهـا تهاوشـت
شـوي والا راس خشمـي تنـوشـه
لـو انهـا مطـواع معهـا تناقـشـت
متعصبـه وهيّـه مـنـوّل بشـوشـه
من وين مـا حاولـت فيهـا تبّلشـت
تطلب طلـب والحـظ عيـا يحوشـه
يا نفس مدري وش غدى لي وش حشت
الوقـت ضـدي مستعـده جيـوشـه
من كثر ماشافـت عيونـي توحشـت
الذيـب جايـع والعظـام معـروشـه
ياذيب عقب ايامك اللـي بهـا عشـت
بوقـت الثعالـب لاتـدور معـوشـه
ماشفت ياسبـع الخـلا يـوم شوشـت
جور الزمان اللـي تشوفـه وحوشـه
بالنـاس ياكثـر الغثـى لـو فتشـت
الخيـر واجـد والحيـاه مغشـوشـه

ناصر هوشان الزنغوب