بين الوعد والعود نفحات الاشواق
تاخذ يمين الحلم لمعانق النور
كنّك لي الموعد ومحتاجك عناق
يصب نورك في عيوني ومشكور
تشبه تفاصيلك تفاصيل الاشراق
شعّت ضيا تغري من اشعاري بحور
من غيرك اصلاً تمتلي منه الاحداق
والعين منّك تقطر افراح وسرور
يا بهجة الحاضر .. مقابيل الاوراق
ياللي وجودك لخّص ادوار في دور
تدرين ويش اللي اكنه بالاعماق
حبك تغطرس ياحبيبي ومغرور
واليا اختصرت الحب بانت لك آفاق
شعور ن ايردَّد ولا غيره شعور
انتي قصيدة معجبة كل الاذواق
كل ن تمنى ينضمك باجمل سطور .