اقتباس:
المشاركة الأصلية كتبت بواسطة أبن مدلج1
اخي ابن غلاب شكراً لك على مشاعرك الصادقه
ومواقف والدي تجاه قبيلته واجب عليه وكل ما نفعله لقبيلتنا ليس لنا فيه جميل بل هوا واجب مفروض علينا توارثناه من اجدادنا ونشئنا عليه ولقد سبق والدي على هذا الفعل جدي الشيخ خالد بن عايض بن مدلج ويقول فيه الشاعر عزير بن بديد :
ياراكب اللي من سلايل مرافيع = والكل منهنه نحرها وسيعي
فج العضود مورقات الأساميع =قطم الفخوذ وقشهنه نطيعي
ون جن مع خطو الخرايم مهاجيع = تسمع للجات الواحي قريعي
واللي عليهنه عيالٍ بواتيع =والله بغرات الأوادم وديعي
يالبيض ياحلي الأدام المراتيع =البنت والي كد لهجها الرضيعي
شومن لخالد عن جميع الخواميع =علوةٍ مثل الحصان الطليعي
شومن لخالد يالبنات المفاريع =شيخٍ ضهر ذكره وصيته يشيعي
ويقول الفارس سند بن مصاول راع الشرفا :
غنو بها ياراكبين المطيه =حطو كلامي يانشاما على البال
نعمٍ ببن عايض زبون الونيه =اللي علينا يرخص الروح والمال
ولاهي كثيره منه في مثل ذيه = الطيبين الهم مداخيل وفعال
ويقول جزا بن بديد وذلك حسب رواية ابنه خلف
في داركم حل ابو ناصر= ماهي للعوق جابنه
الكيف في دلته ياسر =والنجر يجذب ليا دنه
اميرنا ماضي وحاضر =ذاخرك يامير للجنه
وغيره من القصايد الكثيره التي لاتحضرني في هذا الوقت
وقصيدك جزله من رجل جزل يا ابو عيسى وانت من رجال جزال
|
لاشكر على واجب يابو مقرن ووالدك هو والد الجميع الله يحفظه